“လိုအပ် တောင့်တ ……..မျှော်လင့်…….ကြောင့်ကျ”

 

2011 ဇူလိုင်26 ကျနော်နဲ့ကိုအောင်မောင်း အလုပ်ကိစ္စနဲ့မိုးကုတ်ကို တက်ခဲ့ကြပါတယ်။

ရတနာမြေ ဒယ်အိုးထဲက မြို့ကလေး ဓါတ်ပုံတွေထဲမှာသာ ငေးခဲ့ရပေမယ့်တစ်ခါမှတော့မရောက်ဘူးခဲ့။

အကွေ့ပေါင်း 999 ကွေ့ရှိတယ်လို့ ကြံကြံဖန်ဖန်မှတ်သူက မှတ်ထားပါသေးတယ်။

မန်းလေးမြို့မြောက်ဘက် မန်းလေးတောင်ကြီးကိုပတ်လို့ထွက်၊

အိုးဘို ရွှေကျင်ကို ကျော်လိုက်ပြီဆိုတာနဲ့ ရိတ်သိမ်းချိန်နီးနေတဲ့အ၀ါရောင် စပါးခင်းတွေမှာတွေ့ရတာ

စိတ်ကြည်နူးစရာကောင်းလှပါတယ်။

မန္တလေးမြို့မြောက်ဘက်ကိုထွက်တဲ့လမ်းဘက်ကို မရောက်တာ ကြာပြီလို့ဆိုနိုင်ပါတယ်။

ကြာနီကန်သုဿန်ကို နာရေး လိုက်ပို့တာကလွဲရင် သူ့ရဲ့မြောက်ဘက်ကိုကျော်လွန်လို့မသွားဖြစ်ခဲ့ပါဘူး။

တဖြည်းဖြည်းနဲ့မြို့ပြင်ကိုရောက်လေ ကျယ်ပြန့်လွတ်လပ်တဲ့မြင်ကွင်းတွေကို တွေ့ရလေပါဘဲ။

မတ္တရာကိုကျော်တာနဲ့အရှေ့ဘက်မှက တောင်စဉ်တန်း တွေ၊

အနောက်ဘက်မှာတော့ စိမ်းတချို့ဝါတစ်ချို့စပါးခင်းတွေထဲမှာနေပူတာတောင်ဂရုမထားနိုင်အားဘဲလုပ်ငန်းခွင်ဆင်းနေကြ။

ကားလေးက မြောက်ဘက်ကိုသွားရင်း ဟိုး အနောက်ဘက်ဝေးဝေးမှာဖြူဖွေးနေတဲ့ကျောက်ဆောင်ကြီးတွေ့လို့မေး
ကြည့်တော့ “ စကျင်တောင်”လို့ဖြေပါတယ်။

မျက်စေ့တစ်ဆုံးရှိနေတဲ့လယ်ကွင်းတွေရဲ့အလွန်မှာ ထီးထီးကြီးရှိနေတဲ့ဖြူဖွေးမြင့်မားတဲ့တောင်ကြီးမြင်ရတာတမျိုးလှပ၊

တဖြည်းဖြည်းနဲ့နီးလာမှ ဖြူဖွေးနေတဲ့စကျင်ကျောက်တွေကိုထမ်းထားတဲ့အကြီးအသေးတန်းစီနေတဲ့

တောင်ကြီးလေးလုံးကိုမြင်ရပါတယ်။

ဟိုငေးဒီငေးနဲ့လိုက်သွားလိုက်တာ 11နာရီလက်ပန်လှရောက်တော့ထမင်းစား။

ကြက်ကြော်ရောင်းတဲ့အသယ်လေးတွေကတော့ ပေါမှပေါ။

ကားတစ်စီးဆိုက်ပြီဆိုတာနဲ့ ဆိုင်ပိုင်ရှင်ကျေနပ်အောင်

စားပွဲထိုးတာဝန်ကိုပါတွဲလို့ထမ်းရွက်ရင်း အပြေးအလွှားဈေးရောင်းကြတာမြင်တော့ရင်ထဲမှာ………………..။

 

နာရီဝက်လောက်နားပြီးဆက်သွား။            

မန်းလေးနဲ့လက်ပန်လှ အကွာအဝေးမိုင်ငါးဆယ်။

မိုးကုတ်ရောက်ဘို့ဆက်သွားမယ်ဆိုရင် 76မိုင်။

ဆက်သွားလိုက်တော့ ရွှေတူးတဲ့စခန်းတွေရှိလို့ အတော်လေးစည်ကားနေတဲ့ဇရပ်ကွင်းကိုဖြတ်လာခဲ့ပါတယ်။

ဇရပ်ကွင်းကိုကျော်လို့တော်တော်လေးသွားလိုက်လို့တောင်တက်လမ်းစပြီဆိုတာနဲ့

ရာသီဥတုကလဲပြောင်းလဲလို့လာပါတယ်။

တောရိပ်တောင်ရိပ်နဲ့ အေးချမ်းလို့လာပါတယ်။

သ်ိပ်မကြာခင်မှာဘဲ သပိတ်ကျင်းနဲ့မိုးကုတ်လမ်းခွဲ”ဖောတော “ကိုရောက်လာပါတယ်။

နိုင်ငံခြားသားများကတော့ ခွင့်ပြုချက်မရှိဘဲ ဒီဖောတော စခန်းထက်ကျော်လွန်ပြီးမသွားရဘူးဆိုတာ စာရေးထားလို့

သိလိုက်ရပါတယ်။

ကျနော်တို့စီးလာတဲ့ကားလေးက အုံ့မိူင်းညို့ဆိုင်းနေတဲ့တောင်တန်းတွေကို ကွေ့ဝိုက်လို့တက်နေပါတယ်။

ကားနံဘေးဝဲယာမှာတော့ ကြီးမားတဲ့သစ်ပင်တွေက အပေါ်က စီးမိုးလို့ ကားလမ်းမကို ငုံ့ကြ ည့်နေသလိုပါဘဲ။

 

ကျနော်တို့ကားလေးကတောင်ပေါ်ကိုရောက်လာတဲ့အခါမှာ ကားလမ်းနံဘေးနားကတောထဲကနေပြီး

ပုလိုင်းထဲမှာမျှစ်စို့ပေါက်တွေအပြည့်နဲ့ထွက်လာကြတဲ့လူတွေ၊

ဝါးလုံးစိမ်းတွေကို ထမ်းလာကြတဲ့လူတွေကိုတွေ့ရပါတယ်။

လူနေအိမ်ခြေနဲ့ မနီးမဝေးနေရာမှာတော့ မျှစ်တွေကို ဒိုင်ခံဝယ်တဲ့ တဲလေးတွေကို တွေ့ရပါတယ်.

ကားဆရာကိုမေးကြည့်တော့ လူတစ်ယောက်ကို ငါးပိဿာအများဆုံးဆယ်ပိဿာလောက်တော့ရတယ်ပြောပါတယ်။

တောင်ပေါ်ဘက်ရောက်လေ” မျှစ်မုဆိုး”တွေကို များလာလေလေပါဘဲ။

တစ်ဦချင်းစီရော နှစ်ယောက်သုံးယောက်တွဲရော အုပ်စုလိုက်ရော၊

ယောက်ျားရော မိန်းမရော လူကြီးရော လူလတ်ရော လူငယ်ရောကားလမ်းနံဘေးမှာခြေလျင်လျှောက်နေသူတိုင်းမှာ

ပုလိုင်းတစ်လုံး ဓါးတစ်ချောင်း၊

နောက် ခေါင်းပေါ်ချိတ်ပြီးလွယ်ထားတဲ့ ပုလိုင်းထဲမှာတော့ဖြူဖြူဖွေးဖွေး မျှစ်စို့ပေါက်ကြီးတွေ ၊။

ဖြူဖွေးနေတဲ့ မျှစ်တုတ်တုတ်ကြီးတွေကို မြင်ရတာနဲ့စားချင်စရာ။

တစ်လမ်းလုံးမှာလဲ မျှစ်ရှာသူတွေ အဆက်မပြတ်တွေ့နေရပါတယ်။

သွားနေရင်းတစ်နေရာမှာတော့ မိန်းမရွယ်တစ်ယောက်လက်ထဲမှာ မိူဦးနက်တွေ အတွဲလိုက်ကြီးဆွဲလာတာတွေ့တော့

ကားဆရာက ကားကိုလမ်းဘေးထိုးရပ်လိုက်ပါတယ်။

(ကောင်မလေးလက်ထဲက မိူတွေက ဆယ်ပွင့်လောက်ရှိပါတယ်။

နောက်အခုမှခူးလာတော့ လတ်လတ်ဆတ်ဆတ်နဲ့အပွင့်တွေကလဲ အကြီးကြီးပါ)

မိူတွေကိုင်ထားတဲ့သူကိုဘယ်လောက်နဲ့ရောင်းမှာလဲလို့မေးတော့  1500လို့ပြောပါတယ်။

ကားဆရာက တစ်ထောင်ရမလားလို့ ဆစ်လိုက်တော့ ယူသွားဆိုပေးလိုက်ပါတယ်။

ကျနော့်တို့ကားရှေ့ခန်းမှာထိုင်လာတဲ့အမျိုးသမီးက အဲဒီမိူအတွဲကြီးကို ကြည့်ပြီးသွားရည်ယိုနေပါတယ်။

ပါးစပ်ကလဲ “တန်လိုက်တာ တန်လိုက်တာ”နဲ့တဖွဖွ။

ကားဆရာကလည်းပြောပါတယ်။

“ဒါလမ်းမို့လို့ဒီဈေးနဲ့ဆစ်ရတာ ရှေ့နားလေးကဆိုင်တွေကိုရောက်ရင် သုံးလေးထောင်လောက်ပေးရမှာ”လို့ပြောသံကြားတော့

ရောင်းလိုက်တဲ့ကောင်မလေးအစား ကြားထဲက ကျနော်က နှမျောနေမိပါတယ်။

 

ဒီလိုမိူအတွဲလိုက်ကြီးတွေ့ရတော့ မနှစ်တုန်းက မေမြို့ကိုသွားရင် ကြုံခဲ့တာလေးကို ပြန်သတိရမိလိုက်မိလို့ပါ။

မနှစ်ကဒီလိုမိုးရာသီမှာဘဲမေမြို့ကို ကျနော်တို့အဖွဲ့သွားကြပါတယ်။

ပြည်ချစ်ဘုရားက အပြန် ဈေးလေးနားရောက်ခါနီး လမ်းဘေးက သစ်ပင်အောက်မှာ မိူတွေကိုချရောင်းနေတာ

တွေ့တော့ ဆိုင်ကယ်ရပ်ပြီးဈေးမေးကြပါတယ်။

တစ်တွဲမှာ မိူခြောက်ပွင့်စီလောက် အကြီးအသေးမျှစီးထားပါတယ်။

မိူကလဲငါးတွဲလောက်ရှိပါတယ်။

ကျနော်တို့အဖွဲ့က ဆိုင်ကယ်သုံးစီး။

ဈေးမေးကြည့်တော့တစ်တွဲ  ၅၀၀၀ကျပ်။

အားလုံးယူမယ် တတွဲကို ၄၀၀၀ ထားပါဆိုတော့ ထိုင်နေတဲ့အမေကြီးက တစ်ချက်စဉ်းစားသလိုလုပ်ပြီး

ခေါင်းငြိမ့်ပါတယ်။

ကျနော်တို့အဖွဲ့ က ပိုက်ဆံရှင်းမယ်လုပ်နေတုန်းခပ်လှမ်းလှမ်းက ဂေါ်ရခါးညွန့်တွေရောင်းနေတဲ့

ကောင်မလေးက ထလာပြီး “အမေ မိူတွေ ကိုဘယ်လောက်နဲ့ပေးလဲလိုက်လဲ”လို့ မေးတော့

သူ့အမေက“တစ်တွဲ ၄၀၀၀ နဲ့ အကုန်ပေးလိုက်တာ “လို့

ပြန်ဖြေရော “ ဒီဈေးဘယ်ရမလ”ဲ ဆိုပြီး ကျနော်တို့ကို သူ့အမေက မသိလို့ဈေးမှားရောင်းတာလို့ပြောပါတယ်။

၄၅၀၀ တော့ပေးပါလို့ပြောတော့ ကျနော်တို့ကလဲ ဈေးပြတ်ပြီးသားကို တိုးမပေးနိုင်ဘူးလို့ပြောလိုက်ပါတယ်။

ဒါနဲ့ဘဲ မ၀ယ်ဖြစ်ခဲ့ကြပါဘူးဆိုပါတော့။

 

ကျနော်တွေးကောင်းနေတုန်း စကားအပြောကောင်းတဲ့ကားဆရာလေးက

“လေးလေးရာ သူတို့က တောထဲက ခူးလာတဲ့သူဆိုတော့ လူဘဲရင်းရတာလေ။

နောက်ပြီး အသားငါးကလဲ ၀ယ်ချင်တိုင်းဝယ်စားလို့မရ။

ဒီတော့အိမ်နားက အသီးအရွက်ကလေးတွေခူးခက်ချက် ဆန်ဘိုးဆီဘိုးရရင်သူ့အတွက်အဆင်ပြေပြီ

ဆိုတော့ တစ်ထောင်ဆိုလဲရောင်းမှာဘဲ။” လို့ပြောနေပါတယ်။

@  @ @ @  @ & @  @ @ @  @ & @  @ @ @  @ & @  @ @ @  @ &

 

 

ကျနော်တို့ မိုးကုတ်ရောက်တဲ့ည ကျတော့ ညနေစာ ထမင်းစားထွက်ရင်းတည်းခိုးခန်းနားလေးမှာရှိတဲ့ညဈေးလေးကို လမ်းလျှောက်ကြပါတယ်။

လမ်းဒေါင့်နားလေးမှာ အင်တာနက်ဆိုင်လေးတစ်ဆိုင်ရှိတယ်။

အဲတော့လဲ ရန်ကုန်သွားတုန်းကလို့ မနက်စောစော အင်တာနက်ဆိုင် ထိုင်လို့ရနိုင်တယ်ပေါ့။

နောက် ပူရီ တိုရှည် ချပါတီရတယ်လို့ စာရေးထားတဲ့ အိန္ဒိယ စားသောက်ဆိုင်လေးကိုတွေ့တော့ မနက်လာစားမယ်ဆိုပြီး

စိတ်ကူးထားကြပါတယ်။

မနက် ခြောက်နာရီလောက် အိပ်ယာထ လမ်းလျှောက် 7နာရီထိုးခါနီးလောက် ညကတွေ့တဲ့ဆိုင်လေးကို

မုန့်စားဘို့လာတော့ ဆိုင်ကမဖွင့်သေးပါဘူး။

ကိုးနာရီကျော်လောက်မှ ဖွင့်မယ်လို့သိရပါတယ်။

အဲဒါနဲ့ဘဲ လမ်းဒေါင့်နားက ရတနာကောင်းကင်စာပေနဲ့မျက်နှာခြင်းဆိုင်မှာရှိတဲ့ လက်ဖက်ရည်ဆိုင်လေးမှာဘဲ

မနက်စာ စားလိုက်ကြပါတယ်။

အဲဒါနဲ့ညကတွေ့လိုက်တဲ့အင်တာနက်ဆိုင်လေးကိုကြည့်လိုက်တော့ သော့ပိတ်ရက်သား။

သူလဲကိုးနာရီဘဲနေမှာလို့တွေးမိတော့ ခြေဦးတည့်ရာလမ်းလျှောက်လို့လာခဲ့ကြပါတယ်။

 

မနက်7နာရီကျော်ပေမယ့်

မနက်စောစော ကားဟွန်းသံမရှိ ၊

ကလေးငိုသံမရှိ၊

ဟန်းဖုန်းမြည်သံမရှိ

မြို့လေးက    ပကတိ တိတ်ဆိတ်ငြိမ်သက်။

လမ်းပေါ်မှာရှိနေတဲ့ အနည်းငယ်သောလူတွေကလဲ အေးအေးဆေးဆေး။

ကားတွေကလဲအေးဆေး၊

ဆိုင်ကယ်တွေကလဲအေးဆေး၊

ခရီးသည်စောင့်နေရှာတဲ့ ဆိုင်ကယ် ကယ်ရီတွေကလဲ “ဘယ်သွားမလဲ”လို့မေးတာကလွဲရင်အေးဆေး၊
ရာသီဥတုကလဲအေးဆေး၊

အားလုံးအေးဆေး၊

ပြာလောင်ခတ်သူမရှိ ပူပန်ကြောင့်ကြသူမရှိ အချိန်မမှီမှာစိုးသူမရှိ။

ကျနော်နေ့စဉ်ကျင်လည်ဖြတ်သန်းခဲ့ရတဲ့ မန္တလေးနဲ့ဆိုရင် တခြားစီပါဘဲ။

 

မန်းလေးမှာဆိုရင် မနက်5း15 အိပ်ယာထ။

လမ်းလျှောက်အိမ်ပြန်ရောက်တော့ 7း45၊

ဒီ အချိန်ဆိုရင်ကို တစ်ခါတစ်လေ ဖုန်းမြည်သံတွေက ကျနော့်ကို စတင်လို့မောင်းနှင်ပါပြီ။

7း15 ရေချိုး ပြီးရင်ဆိုင်ကယ်ထုတ် လမ်းမပေါ်ရောက်ပြီဆိုတာနဲ့ပူလောင်ခြင်းတွေနဲ့မနက်ခင်းကိုစဖွင့်ရပါတော့တယ်။

ဆိုင်ကယ်မောင်း နေရင်းဖုန်းဝင်လာတော့လဲဆိုင်ကယ်စီးရင်းပြော။

လမ်းမပေါ်မှာတဗြောဗြောနဲ့မောင်းနေတဲ့ ဆိုင်ကယ်သမားကိုကြည့်ရှောင်၊

လီဗာကိုအသားကုန်နင်းလို့ တဗြဲဗြဲနဲ့အသံတွေပေးနေတဲ့ ခရီးသည်တင်ကားတွေကို သေမှာကြောက်တော့ဖယ်ပေး၊

ကိုယ်ကလဲ လမ်းမပေါ်တက်နင်းချင်တဲ့ စက်ဘီးသမားကို ဟွန်းတတီတီပေးလို့မောင်းချ၊

လမ်းလျှောက်စရာ လူသွားစင်္ကြန်မရှိလို့ လမ်းပေါ်တက်လျှောက်တဲ့ခြေလျင်သမားကို စက်ဘီးသမားက

ကလင် ကလင်အသံပေးလို့ ဘေးဖယ်ခိုင်း။

အင်မတန်မှရင်မောစရာကောင်းသောမနက်ခင်းကို နေ့စဉ်နဲ့အမျှဖြတ်သန်းနေရတာမောလှပါတယ်။

 

ကျနော်ရန်ကုန်ကိုခဏရောက်တဲ့အချိန် မှာတော့ မန်းလေးမှာလူများတယ်ရူပ်ယှက်ခတ်တယ်ဆိုတာ

ရန်ကုန်နဲ့ယှဉ်လိုက်တော့ မန်းလေးစည်တယ်ဆိုတာ တောဘုရားပွဲသာသာ။

လမ်းပေါ်မှကားအပြည့် ကားထဲမှာလူအပြည့်။

လမ်းပေါ်မှာလမ်းလျှောက်သူကလဲအပြည့်၊

မျက်နှာတွေပေါ်မှာလဲ ပူပန်မူ့အပြည့်၊

လမ်းပေါ်မှာအပြေးသွားနေတဲ့ တက္ကစီသမားများမှာလဲဘယ်သူများလှမ်းခေါ်မလဲဆိုတဲ့

အသံနားစွင့်လို့ မျှော်လင့်ခြင်းတွေအပြည့်၊

ကားကြိုကားကြားမှာ အတင်းဝင်အတင်းထွက်အသက်လုပြီးဈေးရောင်းနေရှာတဲ့

ပန်းသယ်တွေ ဂျာနယ်သယ်လေးတွေရဲ့မျက်နှာမှာလဲ မျှော်လင့်ခြင်းတွေအပြည့်၊

မမြင်နိုင်သောအင်အားကြီးမားတဲ့အရာတစ်ခုက မြို့မှာနေတဲ့ သက်ရှိသက်မဲ အားလုံးကို

အမြန်နုန်းတစ်ခုရောက်အောင်မောင်းနှင်နေသလိုပါဘဲ။

မောပါတယ်။

@@@@@&  @@@@@&  @@@@@& @@@@@&  @@@@@&

နေ့လည်ပိုင်းအလုပ်အားတဲ့အခါမှာတော့ အင်တာနက်ဆိုင်ကို ရောက်ဖြစ်ပါတယ်။

ကိုယ့်ထဲကိုရောက်နေတဲ့မေးလ်တွေဖတ် ကိုယ်ကလဲပို့စရာရှိတာကို ပို့ဘို့ပေါ့။

ဆိုင်လေးက သိပ်မကျယ်ပေမယ့်စက်ကတော့အလုံးနှစ်ဆယ်လောက်။

ထူးခြားတာက စက်အားလုံးကလက်တော့လေးတွေကို သီးသန့်မောက်စ်နဲ့ကီးဘုတ်တွဲချိတ်ပေးထားတာပါ။

ကော်နက်ရှင်တော်တော်လေးကောင်းပါတယ်။

ပုံလေးတွေတင်လိုက်တာနဲ့ ခဏလေးနဲ့တက်သွားတော့ အတော်လေးကို စိတ်ကျေနပ်စရာကောင်းလှပါတယ်။

နောက်စက်အပြည့်လူအပြည့်ဖြစ်နေပေမယ့် ဘာသံမှသိပ်ဆူဆူညံညံမကြားရတိတ်တိတ်ဆိတ်ဆိတ်။

 

ကျနော်မန်းလေးမှာလဲကြုံတဲ့နေရာမှာ ကြုံသလိုဆိုင်ပေါက်စေ့ဝင်လို့ အင်တာနက်သုံးတတ်ပါတယ်၊

ဆိုင်တော်တော်များများကတော့ဆူညံပွက်လောရိုက်လို့ ဂိမ်းဆော့နေတဲ့သူတွေ၊

Vz0 ကနေချက်လို့ကြူနေသူတွေ တွေ့ရသလို အဝေးမှာအလုပ်သွားလုပ်နေသူတွေကို မိသားစုလိုက်ကြီး

လာစကားပြောနေတာ တစ်ယောက်တစ်ပေါက်နဲဆူညံပွက်လောရိုက်။

တစ်ခါတစ်လေ သူငယ်ချင်းအုပ်စုလိုက်ကြီးချက်တင်ကနေ ဟိုဘက်ကတစ်ယောက်ထဲကိုဝိုင်းကျပ်လို့

ပျော်ပျော်ကြီးအော်လိုက်ဟစ်လိုက်။

 

ကျနော်ရန်ကုန်မှာခဏရောက်နေတုန်းက မနက်လမ်းလျှောက်ရင်းအင်တာနက်ဆိုင်ကို ၀င်ထိုင်တတ်ပါတယ်။

အဲဒီဆိုင်ကလေးကမနက်63း0ဆိုရင်ဆိုင်ဖွင့်ပါတယ်။

အဲဒီဆိုင်လေးမှာ မနက်စောစောဆိုရင် နိုင်ငံခြားကို ဖုန်းလာဆက်သူတွေများပါတယ်။

ရန်ကုန်နေတဲ့တစ်ပါတ်လုံးလုံး အဲဒီဆိုင်လေးမှာ ကျနော်နေ့တိုင်းလောက်ရောက်တော့

ဇာတ်လမ်းပေါင်းစုံကို နားဆင်ရပါတယ်။

“အိမ်ကိုပိုက်ဆံပြန်မပို့တဲ့သားကို အိမ်သတိရဘို့လာပြောနေတဲ့မိခင်ရဲ့ချော့ချော့မော့မော့အသံ”

“သားပို့ပေးလိုက်တဲ့ပိုက်ဆံက 123ဇာတ်မျောထဲမှာပါသွားလို့သားကိုဖျောင့်ဖြပြီး အယူခံဝင်နေတဲ့အဖေ”

“အဝေးရောက်နေတဲ့သမီးလေးကို အန္တရာယ်ကင်းစေဘို့ တရားစာတွေလာရွတ်ပြနေတဲ့မေမေ”

“မောင့်ကိုလွမ်းတဲ့အကြောင်း လူများကြားမှာကိုတောင် မရှက်မကြောက်နိုင်ဘဲ ချစ်ခွန်းဖွဲ့သီလုပ်နေတဲ့ ညကလေး”

“မင်းကလေးနိုင်ငံခြားရောက်အောင် မမကဘယ်လို့ငွေတွေအကုန်ခံရတဲ့အကြောင်းအခုတော့မင်းရှာလို့ရသမျှကို

မင်းအမေလက်ထဲအပ်တော့ မမက လက်ဝေခံဖြစ်နေလို့ လာငိုပြနေတဲ့ မောင်လေးရဲ့မမ ”

“အဝေးရောက်နေတဲ့အဖေ ပို့တဲ့ ပိုက်ဆံနဲ့ တိုက်ဆောက်နေတာကို့ အသေးစိတ်အစီရင်ခံစာလာတင်နေ့တဲ့သားလူမမယ်”

“yah yah ဆိုတာကိုဘဲထပ်ကာတလဲလဲအော်လို့ မီးကျိုးမောင်းပျက် အင်္ဂလိပ်စကားနဲ့ ဟိုဘက်ကလူကို ကြူနေတဲ့လူ”

“စားပြီးနားမလည် လုပ်သွားတဲ့သူကိုရန်တွေ တွေ့နေတဲ့ အလန်းမလေး”

“ချစ်စခင်စကြင်နာစထင်ပါရဲ့မရနိုင်မှန်းသိရဲ့နဲ့ တရွှတ်ရွှတ်နဲ့အကြင်နာတေကိုပေးပြနေတဲ့သူ”

“အဝေးရောက်နေတဲ့မေမေကြီးကို မီးမီးလေးရော ဖေဖေကြီးကရောလွမ်းနေတယ်ဆိုတာကိုလာပြောပြနေတဲ့

အသက်20လောက်သာရှိသေးတဲ့ကလေးအဖေ”

ဒါတွေကိုကြားရတော့ ကိစ္စများမြောင်လူတို့ဘောင်ဆိုတာလေးကို သွားသတိရမိပါတယ်။

လူနေမူ့ထူထပ်လေလေ လိုအပ်ချက်များလေလေ ပြဿနားများလေလေ

လူတွေကသနားစရာကောင်လေလေလို့ထင်ပါတယ်။

@@@@@&  @@@@@&  @@@@@& @@@@@&  @@@@@&

ကျနော်တို့ မိုးကုတ်မှာနှစ်ညအိပ်အလုပ်ကိစ္စတွေပြီးတော့ပြန်လာပါတယ်။

အဆင်ပြေတာလဲရှိ မပြေတာလဲရှိပေါ့။

မနက်8နာရီလောက်မှာ မိုးကုတ်က ပြန်ဆင်းလာပါတယ်။

လမ်းကလေးက ကွေ့ကွေ့ကောက်ကောက် စိမ်းစိမ်းစိုစို

တောင်တွေက လမ်းကို စီးမိုးလို့ငုံ့ကြည့်နေပါတယ်။

လူကသာ လမ်းပေါ်မှာကားကိုစီးလို့လာနေပေမယ့် စိတ်တွေကတော့ မရောက်သေးတဲ့မန္တလေးမှာ။

ဟိုရောက်တာနဲ့ဘာလုပ်ရမယ်ညာလုပ်ရမယ်ဆိုတာကို ကြိုတင်တွေးလို့စီစဉ်လို့ ပူပန်လို့ပေါ့။

လမ်းတစ်လျောက်လုံးမှာတော့ ပုလိုင်းလေးလွယ် ဓါးကလေးခါးထိုး

တောထဲဝင်မျှစ်ချိုးဘို့အတွက် အေးအေးဆေးဆေးလမ်းလျှာက်ရင် ဆေးလိပ်ကလေးတဖွာဖွာ

အပူအပင်ကင်းမဲ့တဲ့သူတို့ကို အားကျစရာ။

တောထဲဝင်မျှစ်ချိုး မိူရှာ ၀ါးခုတ် သွားမယ့်သူအားလုံးကြည့်ရတာ

စိတ်သက်တောင့်သက်သာ။

မရောက်သေးတဲ့နေရာအတွက် ကြိုတင်လို့ပြင်ဆင်နေရတဲ့ကျနော်တို့နဲ့တော့ အပုံကြီးကွာပေါ့။

ငြိမ်းချမ်းတာခြင်းပြောပါတယ်။

 

တကယ်တော့လောကမှ လူရယ်လို့ဖြစ်လာရင်လိုအပ်ချက်တွေအတွက်မွေးဖွားလာသလိုပါဘဲ။

တိုးတက်လေလေ လိုအပ်ချက်တွေပိုများလေလေ၊

တောင့်တရမူ့တွေလဲများလေလေပါဘဲ။

တောင့်တတယ်ဆိုတာ မျှော်လင့်တာပါဘဲ။

မျှော်လင့်တယ်ဆိုမှတော့ရမှ ရပါ့မလားဆိုတဲ့ကြောင့်ကြမူ့ကို အစိုင်အခဲတစ်ခုလိုဖြစ်တည်လိုလာပါတော့တယ်။

ကျနော်တို့လို့ မြို့နေ ပညာတတ်လူတန်းစားမှာတော့ မရနိုင်သေးတဲ့မျှော်လင့်ချက်များအတွက်ပူပန်ကြောင့်ကြလို့နေချိန်မှာ

လမ်းမှာတွေ့ခဲ့တဲ့ မျှစ်အချိုးထွက်နေသူများကတော့ တစ်နေ့မျှစ်ငါးပိဿာလောက်ရရင်တော်ပြီလို့

စိတ်ပိုင်းဖြတ်နိုင်တဲ့အတွက်သူမှာ ပူပန်ကြောင့်ကြမူ့နည်းပါးလို့နေပါတယ်။

ပိုစိတ်ချမ်းသာတယ်လို့ပြောနိုင်ပါတယ်။

မေမြို့မှာတွေ့တယ် မိူရောင်းတဲ့ကောင်မလေးနဲ့မိုးကုတ်လမ်းကမိူရောင်းတဲ့ကောင်မလေး

လိုအပ်ချက်ခြင်းမတူညီတဲ့အတွက်တောင့်တမူခြင်းလဲမတူနိုင်ပါဘူး။

လိုအပ်ချက်နည်းလေ တောင့်တမူနည်းလေ။

တောင့်တမူ့နည်းလေလေ မျှော်လင့်ချက်နည်းလေလေ။

မျှော်လင့်ချက်နည်းလေလေ ကြောင့်ကြမူ့နည်းလေလေပေါ့။

ကြောင့်ကြမူ့နည်းလေလေ စိတ်ဆင်းရဲမူ့နည်းလေလေပေါ့။

ဒါပေမယ့် သေသေချာချာစဉ်းစားမိပြန်တော့

တိုင်းပြည်တပြည်မှာ တစ်နေ့မျှစ်ငါးပိဿာရရင်တော်ပြီဆိုတဲ့လူတွေများ များလာမယ်ဆိုရင်

စိတ်အေးချမ်းမှာကတော့ အမှန်ပါဘဲ။

ဒါပေမယ့် တိုင်းပြည်ကတော့……………………………………

 

(ကိုပေါက်လက်ဆောင်အတွေးပါးပါးလေး)

(6-8-2011)